Вар'ят (varjat) wrote in cafe_minsk,
Вар'ят
varjat
cafe_minsk

Саквояж

Учора пасьля спробы трапіць у Салодкі Фальварак на Танкавай і ў чарговы раз упэўнішыўся, што з месцамі там цяжка, паспрабавлі папіць каву у "Саквояж"-ы.

Па-першае, трапіць туды не так лёгка, як можа падацца на першы погляд - моцны даводчык дзвярэй разам з вельмі слізкім ганкам проста не дазваляюць вайсці ў установу з першай спробы...

Другім уражаньнем была стылізацыя мяню - яго падалі ў валізе (саквояже), рахунак падалі таксама ў валізы, але ўжо меншым і драўляным.

Мы заказвалі каву-латэ (6520 быр) і я дадаткова - шакаладны кекс "Саквояж" ажно за 12520 быр. Кава хутка з'явілася перад намі, была добрай і марудна папівалася. А вось кекс - з'явіўся роўна ў той момант, калі кава ў мяне скончылася (недзе хвілін праз 30)... афіцыянтка на маю заўвагу, што кава ў мяне ужо скончылася зрабіла выгляд, што не пачула і не бачыла пусты кубак. Уласна фірмовы кекс - нешта незразумелае ў выглядзе растопленага шакаладу змешанага з мукой (альбо робкай спробай прыкінуцца бісквітам) вагай на грам 80 (пры заяўленых 140, калі не памыляюся) зусім не ўразіў...

Апошняе, што дабіла, гэта ўнесены асобным радком цукар коштам 90 быр за кожны пакецік у рахунак... нібыта цяжка далучыць гэта ў кошт кавы і не прыбядняцца...

Трошкі пра мяню. Глядзеў я хутка, што заўважыў: мяска ад 35 тыс быр за порцыю, дэсерты абмежаваны кексам, яшчэ нейкімі дзьвума пунктамі з выпячцы і пяцьцю альбо шасьцю пунктамі марожанага з напаўняльнікамі. Каб нармалёва паесьці - патрэбна выкласьць каля 90-100 тыс. быр за асобу. Асноўныя блюда прадстаўлены ў нармалёвым выбары.

PS: Калі б заказаў ежу і яна была б падобнай на кекс - паставіў бы тэг "Не раіцца", але з-за таго, што заказ складаўся толькі з кексу і кавы - ставіць тэг не буду, можа хто іншы да іх наведаецца і напіша больш разгорнутыя і поўныя ўражаньні.



Адрас: вул. Раманаўская Слабада 26 / 26, Ramanovskaja Sloboda str.
Мятро: Фрунзенская / Frunzenskaja metro station.
Tags: coffee, meal, Саквояж
Subscribe
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 3 comments